Arume Xogal

O Arume Xogal é un xogo que se basea no coñecemento da historia, das tradicións, da arte, cultura e lingua de Galicia, da súa descrición física e medio natural. Alén dun desafío cultural sobre a realidade galega, pretende ser un estímulo que xere a arela de afondar na esencia mesma da súa identidade.

Con estas premisas, deséñase un percorrido, definido por un petroglifo, que cada participante deberá completar dando resposta ás preguntas que se lle formulen.