Descripción
Versión en castelán de Sempre en Galiza, editada polo Centro Gallego de Buenos Aires, que inclúe nas primeiras páxinas unha ilustración cun retrato en branco e negro de Castelao feito por Carlos Maside.
Sempre en Galiza, o gran ensaio político escrito por Castelao, está considerada a obra canónica do nacionalismo galego. A obra publicouse o 10 de marzo de 1944 en Buenos Aires, e os primeiros exemplares que chegaron a Galicia fixérono de xeito clandestino.
No libro axúntanse artigos, ensaios, conferencias e discursos, xunto a material pensado especificamente para a obra. O limiar da obra, Adro (Atrio na versión castelá), comprende os artigos que dende Badaxoz escribiu para A Nosa Terra en 1935.
Esta edición en castelán, de 1971, foi impresa en Arxentina por Ediciones Galicia del Centro Gallego de Buenos Aires – Instituto Argentino de Cultura Gallega.
Reseñas
Aínda non hai valoracións.