Maruxairas fachada

Maruxairas, libraría de libros lidos

Benvid@s a Maruxairas

En Maruxairas, libraría de libros lidos, atoparás libros que andan á procura dunha nova lectura, dunha nova vida, dunhas novas mans que se pousen nas súas páxinas.

Aquí poderás perderte entre centos de libros, nun local que deseñamos con moito agarimo e coidado. Queremos que entres non só a mercar, senón a gozar desa busca, dese paseo visual e táctil entre portadas, lombos, páxinas, palabras, ilustracións, historias.

 

As e os amantes sabedes do que estamos a falar. Entrar nunha libraría é algo máis que atravesar unha porta, elixir un libro, pagalo e marchar. Entrar nunha libraría é un pracer para os sentidos, unha maneira de relacionarse con esta paixón de ler que compartimos tanta xente, e que comprende todo un proceso completo, dende que nos achegamos a unha libraría ata que lemos a última páxina, pechamos o libro e o deixamos, con nostalxia, de novo nun andel.

En Maruxairas temos libros lidos, libros curiosos, libros antigos, libros fetiche, libros descatalogados ou esgotados, primeiras edicións ou edicións especiais, libros raros…

Agardámosvos no centro do casco histórico da vila de Allariz!

  • Envíos á península 6€ / Gratis a partir de 40€
  • Envíos fóra da península: consultar
  • Empaquetámoscho para regalo se nolo pides

Ao continuar navegando polo sitio, aceptas o uso das cookies. + Info

Os axustes de cookies neste sitio web están configurados como "permitir cookies" para che ofrecer a mellor experiencia de navegación posible. Se continúas a usar este sitio sen cambiar a configuración das cookies ou fas clic en "Aceptar" a continuación, estás a aceptar estas condicións.

Pechar